Kommunali byggimyndugleikin kann ikki nokta at góðkenna bygningshædd og fráleikaviðurskifti fyri frítíðarhús í frítíðarhúsaøkjum, tá ið treytirnar í nr. 1 til 3 eru loknar.
Frítíðarhús í frítíðarhúsaøkjum eru hús ætlað til frítíðarbrúk, og eru harvið ikki í nýtslu alt árið.
Er verandi bygging í umráðnum sum heild gjørt á annan hátt, tá hugsað verður um hædd á bygging og nýtslu av takhæddini, og harvið ikki fylgir ásetingunum í stk. 1, nr. 1-3, kann nýggj bygging gerast sbrt. eini heildarmeting í kap. 2.3, hetta fyri at fáa ta nýggju byggingina at hóska til sermerkið við umráðnum.
Fráleikakravið er eisini galdandi fyri hevjað tilhaldsstøð úti (hevjað meira enn 30 cm yvir natúrligt lendi), garðstovur, uttandura trappur, altanir, roykrør, takterassur og líknandi.