Vatninnleggingar skulu vera úr tilfari, ið ikki letur heilsuskaðilig evni frá sær út í vatnið. Tilfarið má heldur ikki lata nakað frá sær, ið kann vera til ampa, so sum lukt, smakk, misliting ella gróður av smáverum.
Kravið viðvíkur øllum tilfari, sum er partur av innleggingini, t.d. rør, armatur og pakningar.
Verksmiðjuframleiddir lutir, sum eru partar av ella skulu bindast í vatninnleggingar, skulu viðvíkjandi sermerktum viðurskiftum, ið hava ávirkan á drekkivatnsgóðskuna, vera sbrt. kunngerð um veiting av drekkivatni.
Víst verður til ETA Danmark (www.etadanmark.dk), har møguligt er at síggja, hvørjir verksmiðjuframleiddir lutir eru VA-góðkendir.
Innleggingarlutir, ið eru settir soleiðis, at teir ikki kunnu skiftast út, skulu hava eina slíka góðsku, at teir kunnu halda eins leingi og tann bygningslutur, teir eru settir í.