Seinast dagført: 01-01-2017

5.5.2 Eld- og roykspjaðing í bygningi, har eldur byrjar, ella til aðrar bygningar á sama grundøki

Stk. 1Áseting

Uttandura yvirflatur, takklæðingar og ervaljós skulu gerast á ein slíkan hátt, at tey eru brunatrygdarliga nøktandi og sum minst økja um eldspjaðing á sama grundøki.

(5.5.2, stk. 1)Vegleiðing

Ásetingarnar sbrt. stk. 1-4 fevna somuleiðis um alistøðir, ali- og rakstrarbygningar hjá ­land­búnaðinum.

Stk. 2Áseting

Bygningspartar í ymiskum nýtsluflokkum skulu vera sjálvstøðugir brunatøkniligir bygningspartar.

Bygningspartar skulu harumframt sundurbýtast soleiðis, at rýmingarleiðirnar verða tryggjaðar nøktandi, umframt at fólk, sum halda til í einum rúmi við bert eini rýmingarleið, kunnu vera trygg, til bjarging kann væntast.

Í einum bygningsparti kunnu vera fleiri nýtsluflokkar, um trygdarstøðið, lýst í kap. 5.1, stk. 1, er rokkið.

Stk. 3Áseting

Innleggingarslokur, trappurúm, lyftuslokur o.tíl., sum knýta fleiri brunatøkniligar bygningspartar saman, skula skiljast brunatøkniliga frá øðrum pørtum í bygninginum.

(5.5.2, stk. 3)Vegleiðing

Slokur o.a., sum ikki ganga upp gjøgnum tekju, skulu skilast brunatøkniliga frá ovastu hæddini.

Gongur slokan upp á ovastu hædd, eigur hon at verða bygd tætt upp undir tekjuna (takklæðingina).

Stk. 4Áseting

Op til innleggingar gjøgnum brunaskiljandi bygningspartar skulu vera afturlatin og tøtt, soleiðis at brunaskiljingarnar ikki missa brunatrygdarliga eginleikan.

Úrslit: