Nóg nógv parkeringspláss skulu gerast, soleiðis at íbúgvar, starvsfólk, vitjandi, kundar, útvegarar o.o. kunnu parkera bilar, motorsúkklur, prutl, súkklur o.a. í økinum, sum hoyrir til byggingina.
Víddin á parkeringsøkinum í mun til grundøkið, og nær tað skal gerast, verður ásett av kommunala byggimyndugleikanum og skal lýsast í byggiloyvinum.
Sum vegleiðandi kann niðanfyri nevnda nýtast í metingini av, hvussu nógv parkeringspláss eiga at gerast:
Bústaðir:
Vinnu- og virkisbygningar:
Tá parkeringsøkini verða gjørd, skal eitt hóskandi tal av parkeringsplássum gerast til fólk við rørslutarni. Kravið fevnir ikki um einbýlishús og frítíðarhús í frítíðarhúsaøkjum.
Parkeringspláss til fólk við rørslutarni eru 3,5 m x 5 m til støddar, og eiga at vera so nær innganginum sum gjørligt, og verða gjørd við fastari og javnari álegging. Í minsta lagi eitt parkeringspláss til fólk við rørslutarni eigur at vera 4,5 m x 8 m til støddar. Um hæddarmunur er við atkomuna frá parkeringsøkinum til annað øki, eigur kantur ikki at vera hægri enn 2,5 cm.
Myndin niðanfyri lýsir stødd á parkeringplássi til fólk við rørslutarni og mest loyvda hæddarmuni á lendinum.
„DS-håndbog 105, Udearealer for alle – Anvisning for planlægning og indretning med henblik på handicappedes færden“ fevnir um vegleiðingar um tilevning av tí fysiska umhvørvinum við tí í hyggju at geva fólki við rørslutarni størri frælsi, rásarúm og trygd. Vísast kann eisini til „Færdselsarealer for alle“ frá danska Vejdirektoratinum.
Sum vegleiðandi kann niðanfyri nevnda talva nýtast í metingini av, hvussu nógv parkeringspláss til fólk við rørslutarni skulu gerast: