JOBMATCH: Eins og Jobmatch hevur til endamáls at skapa og viðlíkahalda sambandið millum føroysk arbeiðspláss og útisetar, umframt lesandi føroyingar, er endamálið hjá Landsverki at koma í samband við lesandi og onnur á starvsstevnuni, og soleiðis nýta høvið at bjóða stovnin fram sum eitt áhugavert arbeiðspláss.

FERÐSLUTRYGD: Harða frostið og síðani blotið í jørðini við nógvum regni seinastu dagarnar hevur, sum so oftani áður, elvt til, at tilfar er loysnað og rullað oman á vegateinar ymsastaðni í landinum.

FERÐSLUTRYGD: Seinnu árini hevur Landsverk gjørt fleiri stuttar, upplýsandi filmar um ferðslutrygd. Filmarnir hava verið at sæð av og á í Gevið Gætur-sendingini hjá Kringvarpinum og hava eisini verið at finna á Youtube.

ÚTBOÐ: Landsverk ynskir at keypa tveir lastbilar til vetrartænastuna, ið skulu taka lut í kavagrevstri og salting á øllum landsvegakervinum.

TØKNI: Tá allir ætlaðir tunlar eru gjørdir, og 99 prosent av bústaðarøkjunum eru knýtt saman, verður fatanin av Føroyum sum oyggjasamfelag væl øðrvísi, enn hon er í dag. Tá ber í veruleikanum til at síggja landið sum ein bý. Millum annað hetta vísti Sigurd Justinussen, planleggjari og landafrøðingur á Landsverki, á, í framløgu síni á ráðstevnuni, Snilda framtíðin, sum var hildin í Sjóvinnuhúsinum í síðstu viku.

ARKITEKTURUR: Komandi leygardag skipar Arkitektafelag Føroya fyri arkitekturdegi. Tað er altjóða arkitektafelagsskapurin, UIA, sum í 1985 skipaði fyri tí fyrsta altjóða arkitekturdegnum. Dagurin hevur síðan tá verið eitt afturvendandi tiltak í fleiri londum á hvørjum ári í oktober mánaða. Arkitekturdagurin í Føroyum verður í ár hildin í Perluni í Havn.

VETRARFERÐSLA: Hálka kemur oftani óvart á. Knappliga ein morgun, tá tú skalt til arbeiðis, er hált at koyra. Eru vetrardekkini ella píkadekkini ikki komin á, økist vandin beinanvegin fyri ferðsluóhappi. Tí ræður um at vera væl skøddur í góðari tíð.

VERKÆTLAN: Meirkostnaðurin av H-bygninginum botnar í stóran mun í, at játtanin til útbyggingina stavar heilt afturi frá 2009. Sjúkrahús, sum verða bygd í dag, kunnu als ikki sammetast tøkniliga við tey, sum vóru bygd fyri 10 árum síðani. Viðvirkandi til meirkostnaðin er eisini, at tað í alt ov lítlan mun er tikin hædd fyri avleiddum verkætlanum í verklagslógini. Í útgangsstøðinum hava hesar einki við sjálvan H-bygningin at gera, men eru ein fortreyt fyri at fáa nýtsluloyvið til bygningin frá kommunala myndugleikanum.

FERÐSLUTRYGD: Nýtt átak til frama fyri ferðslutrygdina á føroysku landsvegnunum varð skotið í gongd í vikuni. Tað er Ráðið fyri Ferðslutrygd, sum saman við Landsverki, Betri Trygging og Trygd hevur tikið stig til átakið undir heitinum ”Halt hámarksferðina, okey?”, ið við filmi og øðrvísi vegaskeltum skal minna bilførarar á at halda hámarksferðina á landsvegunum.

LEIÐSLA: Í dag 1. oktober tók Sigurd L. Lamhauge við sum stjóri á Landsverki. Hann avloysir Árant Andriasson, ið hevur verið virkandi stjóri síðani januar í ár.