Sjóvinnustýrið

Lýsing

Verklagslógin frá 5. mai 2021 á 30 mió. fevnir um ein umsitingarbygning til Sjóvinnustýrið á Giljanesi. 

Bygningurin verður bygdur á matr.nr. 319h á Giljanesi í Vága Kommunu. Bygningurin fevnir um bygning, atkomu, parkerings- og uttanumøkið. Bygningurin verður um 800 kvm. til støddar í tveimum hæddum og grundøkið 1480 kvm.

Frá høvuðsinngongini kemur ein inn í stóra og høga felagsrúmið, ið savnar báðar hæddirnar í eitt rúm, ið er ljóst og innbjóðandi rúm. 

Miðrúmið er hjarta í bygninginum, ið savnar báðar hæddirnar. Ein góður máti at geva vitjandi og starvsfólkið yvirlit yvir virksemií bygninginum.