AVHENDING: Depilin til børn og ung við fjølbreki, ið er bygdur í Runavík, er nú liðugur. Depilin fevnir um dag- og umlættingartilboð. Tænastur, sum áður hava verið spjaddar ymsastaðni, verða nú samskipaðar á einum staði, soleiðis at tilboðini frameftir verða eitt samanhangandi heildartilboð til børn og ung við fjølbreki.

Almenn móttøka var í gjár, týsdagin 16. desember klokkan 15, og er depilin nú formliga tikin í nýtslu. Nógv fólk høvdu leitað sær inn á gólvið at síggja snotiliga bygningin.

Fleiri røður vóru á skránni. Bæði landsstýriskvinnan, Annika Olsen, og borgarstjórin í Runavík, Magnus Rasmussen, fegnaðust um hetta nýggja tilboðið til børn og ung við fjølbreki. Nú fáa tey ein bygning, ið er bygdur til endamálið at veita hesum fólkum so góðar og tryggar umstøður sum tilber. Øll neyðug útgerð er á staðnum, og umframt at vera ein fyrimunur fyri búfólkið, fer tað eisini at lætta um hjá starvsfólkunum á deplinum. 

Fakta

Arbeiðsánari: Almannamálaráðið

Byggiharri: Landsverk

Prosjektering: Arkitektar 99

Undirráðgevar: HMP Consult, PB Consult, KJ Elráð

Eftirlit: EM-ráðgeving

Byggileiðsla: Byggiráð

Høvuðsarbeiðstakari: Sp/f Byggivirkið KBH

Undirarbeiðstakarar hjá KBH: 

Múraraarbeiði: Sp/f Ingolf Hansen

Málaraarbeiði: Sp/f Pole Mohr Poulsen

Gólválegging: Gólvmenn/Colorama Runavík 

Takálegging: S/pf Takplan 

HVS- og ventilatión: P/f Zacharias Leitisstein 

EL-arbeiði: Sp/f Rók-EL