FERÐSLUTRYGD: FM í súkkling 2014 verður næstu dagarnar. Byrjað verður í kvøld, hóskvøldið 11. september kl. 18.00. Í hesum sambandi vilja vit heita á bilførarar um at vísa varsemi í ferðsluni nú fleiri súkklur vera á landsvegunum um kvøldarnar.

Í kvøld verður kappast á teininum:Plantusølan við Hvítanesvegin, Kaldbakstunnilin, Kollfjarðadalur, Oyggjarvegur, Ringvegurin og so Hvítanesvegur. Síðan verður koyrt tvær ferðir Plantusølan, rundkoyringina við Føroya Tele, rundkoyringina við Svimjihøllina, og rundkoyringina við Skansan.

Fríggjakvøldið 12. september kl. 18.00 verður súkklað soleiðis:

Hósvík - Rundkoyringina við Streymin - Svínáir - Ljósáir - Svínáir - Rundkoyringina við Streymin - Hósvík.

Og leygarkvøldið 13. september kl. 18.00 verður býarkoyring:

Akranesgøta, Millum Horna, Velbastaðvegur, Marknagilsvegur, Akranesgøta.