ALDUMÁTINGAR: Síðani ávikavist í mei og september í fjør hevur ikki borið til at fingið aldumátingar norðanfyri og sunnanfyri Føroyar. Ein loysn er nú funnin, og innan eina viku verður væntandi aftur møguligt fáa aldumátingar á havleiðunum norðanfyri og sunnanfyri.

Eftir at Mjørkadalur og Sornfelli er niðurlagt sum Nato-støð, og nú bert skal halda eyga við sivilari flogferðslu, hevur landsstýrið frá danska statinum fingið bjóðað at yvirtaka ognirnar haruppi. Saman við umboðum frá Landsverki hevur landsstýrismaðurin við fylgi júst verið vitjan á fyrrverandi NATO-støðini og kunna seg um brúksmøguleikarnar av ognunum.

SAMFERÐSLA: Arbeiðið við at dagføra og víðariútbyggja føroysku samferðsluætlanina er nú liðugt. Endamálið við samferðsluætlanini er at vísa á, hvat skal til fyri at tryggja, at samferðslukervið til eina og hvørja tíð nøktar samtíðarinnar krøv og tørv.

UMHVØRVI: Landsverk er nú farið undir at fyrireika og formfesta ein byggilistapolitikk, ið skal nýtast sum stevnumið og leiðbeining fyri alt, sum framyvir verður bygt í Føroyum.

STARV: Frá árskiftinum verður gjørd ein umskipan av leiðsluni á Landsverki, soleiðis at verandi leiðari á framleiðsludeildini, Torkil Olsen, verður settur í verkætlanartoymið til Skúladepilin við Marknagil, meðan verandi rakstrarleiðari, Mikkel Heidi Frandsen, verður nýggjur leiðari á framleiðsludeildini.