Hetta er greitt, eftir at Landsverk hevur gjøgnumgingið umsóknirnar, sum komu inn í seinastu viku, og eftir at fyritøkurnar eisini hava havt eina framløgu fyri dómsnevndini hjá Landsverki.

Fyritøkurnar, ið fáa møguleika at bjóða uppá uppgávuna, eru Articon, J&K Petersen og MT Højgaard.

Eftir ætlan fáa fyritøkurnar atgongd til sjálvt útbjóðingartilfari í komandi viku, og fáa fram til fyrst í desember mánaði, at lata tilboð inn. Væntandi verður klárt at gera sáttmála um arbeiði fyrst í komandi árið.

Gongur arbeiði sum ætlað, verður tunnilin liðugur á sumri 2024.