Endamálið við NVF er at deila og menna vitan innan vega- og ferðsluøkið. Hetta verður gjørt í norrønum arbeiðsbólkum, har serfrøðingar møtast tvørtur um almenna og privata geiran. Eitt nú luttaka føroyingar í arbeiðsbólkum um rakstur og viðlíkahald, tunlar, ferðslutrygd og vegatøkni.

Høvi verður at hoyra frá úrvaldum arbeiðsbólkum og um NVF virksemið annars á limafundinum. Skráin verður hendan:

11:30 Byrjað verður við miðmála í matstovuni. Fundurin verður aftaná í Panorama.
12:30 Vælkomin. Val av orðstýrara

• Góðkenning av dagsskrá
• Góðkenning av frágreiðing frá seinasta limafundi
• Val av grannskoðara

12:40 Frágreiðing formansins
12:55 Framløga av grannskoðaðum roknskapi
13:05 Frágreiðing frá arbeiðsbólkum (7 min.hvør)

• Vegatøkni (Dávur Johannesen)
• Tunlar (Jákup Olsen)
• Norðurlendski anlægsmarknaðaurin (Ólavur J. Hansen /Jákup Enni)
• Rakstur og viðlíkahald (Mortan Olsen)

Melda teg til limafundin við at skriva eini boð til Maritu Svartá, NVF skrivara, á masv@lv.fo.
Nærri kunning um NVF fæst á heimasíðuni: https://nvfnorden.org/