Tyrlupallar

Síðani 1995 hevur Landsverk havt raksturin av flest øllum tyrlupallum í landinum um hendi. Samanlagt 11 tyrlupallar eru, og av teimum tekur Landsverk sær av teimum 10. Landssjúkrahúsið hevur ábyrgdina av tí eina. Landsverk hevur umsjónarfólk úti um landið, sum eru knýtt at hvørjum tyrlupalli sær. Umframt uppgávur fyri Landsverk, taka hesi fólk sær av avgreiðsluni av ferðaseðlum, manifestum, farmi og líknandi fyri Atlantic Airways, sum røkir sjálva tyrluflúgvingina.

Um tyrlupallarnar:

Leiðsla:          Leiðsluna av tyrlupallunum hevur Dan Sofus Hofgaard, Landsverk, tel 290 873.

Bílegging:      Ferðaseðlar verða bílagdir hjá Atlantsflog umvegis heimasíðun atlantic.fo her

Gjalding:        Rindast skal kontant, tá goldið verður fyri ferðaseðlar og frakt á tyrlupallunum. Tilber ikki at rinda við gjaldskorti e.ø.

Frakt:             Tyrlupallarnir koyra ikki frakt út til móttakaran. Sendarin má tí boða móttakaranum frá sendingini. Sí eisini leiðbeining á heimasíðuni hjá Atlantsflog um frakt.

Fyri at tryggja at rotta ikki er í fraktini skula hesar treytir verða hildnar:

• Frakt skal lúka treytir settar av Umhvørvisstovuni viðv. pakkan og merkjan við merkisseðili her. 
• Frakt skal vera á tyrlupallinum millum ein heilan til ein hálvan tíma áðrenn fráferð.
• Frakt, sum ikki rúm er fyri í tyrluni ella um tyrlan avlýsir, kann ikki verða standandi á tyrlupallaplássinum, men má heintast beinanvegin.

Mest loyvda vekt pr. frakteind er 20 kg, uttan onnur avtala er gjørd.

Frakt og viðførið ið ikki lúkar omanfyri nevndu krøv, verður ikki tikin við í tyrluna, men afturvíst.

Tað er ikki loyvið at hava frakt standandi á tyrlupallinum hjá Landsverk. Um hettar ikki verður yvirhildið so verður fraktin burturbeind, frakt ánarin eigur útreiðslurnar av hesum.

Upplating:     Upplatingartíðin á tyrlupallum er lagað eftir ferðaætlanini. Opið er fyri ferðafólkið upp til 30 minuttir áðrenn lending.

Upplýsing:    Upplýsingar um ferðaætlan, bílegging, ferðing og frakt v.m. fáast hjá Atlantsflog.