LISITATIÓN: Undir lisitatiónini á Landsverki seinnapartin í dag gjørdist greitt, at eitt samtak við Articon á odda átti nógv bíligasta tilboðið til gerð av nýggjari farleið til Viðareiðis. Tó eru øll tilboðini omanfyri kostnaðarmetingina.

TRYGDARSKEIÐ: Í døgunum 30. september - 3. oktober 2013 skipar Landsverk fyri tveimum grundskeiðum undir heitinum: "Vegurin sum arbeiðspláss". Skeiðini verða hildin á Hotel Hafniu.

LISITATIÓN: Tað komu inn tilboð frá fýra byggifyritøkum til bygging av vardum íbúðum í Runavík og Klaksvík. Í báðum førum átti Kanjon lægsta boð.

MÓTTØKA: Eftir at hava starvast í ein mansaldur á Landsverki, harav stóran part av tíðini sum leiðari, leggur Finnleif W. Durhuus nú frá sær vegna aldur. Í hesum sambandi verður skipað fyri almennari móttøku á Hotel Hafnia fríggjadagin frá klokkan 15-17.

VERKÆTLAN: Týsdagin klokkan 13.00 verður skipað fyri móttøku á vaskarínum á Landssjúkrahúsinum, sum nú er liðugt umvælt og útbygt.

Vinnarin av hugskotkappingini, ið Landsverk hevur skipað fyri seinasta hálvárið, er funnin. Vinnarin gjørdist Theresa Jákupsdóttir, lesandi á universitetinum í Lund. Nummar 2 og 3 gjørdist ávíkavist Eyðun Eliasen, arkitektur og Sonni Seyer, verkfrøðingur.