Um Hovsegg

Leiðin um Hovsegg er partur av gamla landsvegnum í Suðuroy, sum bindur syðru og norðaru bygdirnar í oynni saman. 

Í 2007 varð Hovstunnilin tikin í nýtslu, og tí er teinurin um Hovsegg ikki longur ein høvuðsleið. Vegurin hevur tí minni ferðslu og riggar væl sum Sóljuleið. 

Leiðin gongur úr Ørðavík, um Hovsegg, og endar niðri í Hovi. Á leiðini er frálíkt útsýni norðureftir, millum annað út í Lítlu og Stóru Dímun. Vegurin gongur ígjøgnum brattlendi um Hovsegg, har gott útsýni er oman yvir Hov. Har vegurin er hægst, liggur hann á 210 metra hædd. Vegurin er einbreytaður við ongari vegøksl. Av tí at tað ikki er meira enn 10 ár síðani, at hetta var høvuðsleið, er vegurin í rættiliga góðum standi. Vegurin er um 8,5 km langur. 

Ársmiðalferðslan er minni enn 500 bilar.

Vegurin eigur at verða gjørdur við vegøksl.

Mælt verður til at gera tveir dvalarvikar á leiðini. Ein úti á eggini og ein við útsýni norður eftir Suðuroynni. 

Heilt úti á eggini liggur ein høvd fram við vegnum. Mælt verður til at gera høvdina til eitt uppihaldsstað, haðani útsýnið er bæði norður- og suðureftir.

Eingin avleidd verkætlan.

Eingin samvirkan.