KUNNINGARÁTAK: Landsverk skipaði í dag fyri kunnandi fundi í Salt í Suðuroy, har kunnað varð um komandi tunnilsverkætlanina til Hvalbiar. Verkætlanin hevur stóran áhuga, og tað sást eisini aftur í talinum á fólki, ið høvdu leitað sær í Salt tíðliga seinnapartin.

TILTAK: Landsverk skipar sunnudagin fyri almennum kunningarfundi í Salt í Suðuroy um nýggja Hvalbiartunnilin.

INFRAKERVI: Fyrst í februar handaði Landsverk landsstýrismanninum í samferðslumálum, Heðini Mortensen, nýggja dagførda samferðsluætlan fyri Føroyar. Nú er eisini serupsetta, talgilda útgávan liðug og kann síggjast og lesast landsverk.fo. Landsstýrismaðurin hevur skotið upp at hava aðalorðaskifti í Løgtinginum um samferðsluætlanina, sum væntandi verður sett á skrá í mars.

SKEIÐ: Byggiharrasamtak Føroya og Ráðgevarafelagið skipa nú aftur fyri skeiði um byggireglur, sum taka støði í BK17, ið er galdandi bygningskunngerð. Talan er um tríggjar ósamanhangandi skeiðsdagar, og fyrsti dagurin verður á Hotel Hafnia mánadagin tann 25. februar.

TUNNILSVERKÆTLAN: Landsverk skipaði fyrr í kvøld fyri borgarafundi í Sólaris í Húsavík, har kunnað varð um komandi tunnilsverkætlanina til Dals. Hóast veðrið ikki var av tí besta i dag, var kortini væl møtt, so ikki kann sigast annað enn, at verkætlanin hevur stóran áhuga millum fólk.

BORGARAFUNDUR: Landsverk skipar fyri borgarafundi í Húsavík í annaðkvøld, har kunnað verður um Dalstunnilin.

ÚTBJÓÐING: Seinnapartin í dag var lisitatión á Landsverki í sambandi við gerð av nýggjum Hvalbiartunli. Trý feløg vóru undangóðkend at bjóða, og lægsta tilboðið eigur Articon & LNS, sum vilja gera nýggju farleiðina millum Hvalba og Trongisvág fyri stívar 236 mió. krónur.

INFRAKERVI: Í dag handaði Landsverk landsstýrismanninum í samferðslumálum, Heðini Mortensen, nýggju dagførdu samferðsluætlanina fyri Føroyar, nevnd “Samferðsluætlan 2018-2030.” Endamálið við eini slíkari ætlan er at vísa á, hvat skal til fyri at tryggja, at samferðslukervið til eina og hvørja tíð nøktar samtíðarinnar krøv og tørv.

ASFALTDAGUR: Tað var asfaltliðið hjá EM Asfalti í Søldarfirði, sum vann heiðurin fyri at hava útint ársins besta asfaltavrik. Hetta var fyri asfaltarbeiðið í R. C. Effersøesgøtu í Havn, sum varð gjørt tíðliga í fjør summar. Umleið 110 fólk luttóku á Asfaltdegnum 2019, sum var hildin á Hotel Føroyum í dag, har ein røð av framløgum um avbjóðingar og annað í sambandi við asfaltvinnuna vórðu hildnar.

TILTAK: Byggiharrar og Ráðgevarafelagið fara 8. februar 2019 í felag at skipa fyri einum tiltaki um ráðgevaratryggingar og arbeiðstøkutryggingar, ið verður á Panorama Hotel Hafnia.