FERÐSLUTRYGD: Til tess at varpa ljós á nøkur serlig viðurskifti í føroysku ferðsluni gjørdi Landsverk fyri nøkrum árum síðani ein film um ferðslureglur og atburð í ferðsluni í Føroyum. Filmurin, sum nú er dagførdur, vendir sær beinleiðis til útlendsk ferðafólk. Somuleiðis er nýggjur faldari gjørdur við sama endamáli.

Týsdagin 15. mai vóru tvær lisitatiónir á Landsverki í sambandi við at vegastrekkið Hósvík-Kollafjørð og vegurin við Tjørnunes skulu asfalterast.

Mánadagin hendi tað umsíðir, at spaki varð settur í fyri einum nýggjum Hvalbiartunli, sum íbúgvarnar í kommununi so leingi hava eftirlýst. Nógv fólk vóru savnaði inni í dalinum ávegis móti tunnilsmunnanum, har tveir eldri borgarar høvdu fingið sum uppgávu at loysa fyrsta flagið fyri atkomuvegnum. Her er ein videofrásøgn frá hátíðarløtuni, sum helt fram í Roynhøllini, har Hvalbiar kommuna og Landsverk bjóðaðu kaffi og tunnilskøku.

HÁTÍÐARLØTA: Tað var hátíðardámur í Hvalba í gjár, tá tveir eldri borgarar í kommununi settu spakan í fyri arbeiðsvegnum, sum skal gerast í sambandi við, at tað skjótt verður farið undir at bora nýggjan tunnil millum Hvalba og Trongisvág. Síðani fór fyrsta gravimaskinan í gongd við arbeiðið.

MODELL: Altjóða áhugin fyri Glasi er framvegis stórur, og bygningurin er ikki vorðin minni áhugaverdur, nú hann skjótt verður liðugur, og innflyting verður til komandi skúlaársbyrjan. Hvør skuldi til dømis trúð, at eitt lego-modell av Glasi fór at síggjast inni á sjálvum høvuðssætinum hjá Lego í Billund.

ÚTBOÐ: Við hesum verður innbúgv til nýggju Familjufyrisitingina boðið út alment.

INNFLYTING: Í dag var móttøka í Sjóvinnuhúsinum á Vestaru Bryggju í sambandi við, at Fróðskaparsetur Føroya er flutt inn í nýumvæld og sera snotulig hølir, har tvær deildir á Setrinum fara at húsast komandi árini.

UPPRUDDING: Út frá eini fakligari meting eru bæði Nordafar-støðin og føroyska sjúkrahúsið í gomlu Føroyingahavnini sunnanfyri Nuuk í so vánaligum standi, at tað tænir ongum endamáli at varðveita hesi. Tað heldur kanningarliðið, sum í fjør summar skrásetti Nordafar.

HÁTÍÐARLØTA: Nú komið er á mál við tí partinum av umbyggingini av Sjóvinnuhúsinum í Havn, bjóðar Landsverk sum byggiharri til almenna móttøku í bygninginum í dag klokkan 10.30.

HÁTÍÐARHALD: Nú komið er á mál við tí partinum av umbyggingini av Sjóvinnuhúsinum í Havn, sum Landsverk hevur havt ábyrgdina av, bjóðar Landsverk til almenna móttøku í bygninginum komandi fríggjadag.