ÁRSFRÁGREIÐING: Landsverk arbeiðir áhaldandi við at gera føroyska landsvegakervið tryggari. Betri uppmerking, rumlifoyrur, týðilig skelting og strikur á vegunum skulu millum annað bøta um trygdina hjá teimum ferðandi. Nýggjastu ferðsluhagtølini vísa eisini, at talið á skrásettum ferðsluvanlukkum er minkað seinastu árini.

ARSFRÁGREIÐING: Tá Landsverk mitt í áttatiárunum byrjaði at gera uppmátingar av havbotninum – tað er uppmáting og kortlegging av havdýpinum – varð hetta sett í verk við eini verkætlan, sum í árunum 1985-89 fekk eina játtan á fíggjarlógini til uppmátingar í firðum og sundum. Síðani hevur ikki verið nøkur sertøk játtan til endamálið. Men av tí at Landsverk staðfesti ein tørv á hesum økinum, varð hildið fast við hesa tænastu, og síðani hevur stovnurin gjørt íløgur í nýggjastu tøknina innan økið.

ÁRSFRÁGREIÐING: Fleiri ferðafólk merkir eisini fleiri bilar á landsvegunum. Landsverk hevur seinastu árini arbeitt miðvíst við at fyrireika infrakervið til eitt øðrvísi ferðslutrýst og fremmandu gestirnar til koyriumstøðurnar í Føroyum. Ikki óvæntað er tað serliga í summarhálvuni, at størsta ferðslulopið at finna, tá ferðafólkastreymurin er í hæddini.

ÁRSFRÁGREIÐING: Í samstarvi við Føroya Stiftsstjórn hevur Landsverk seinnu árini umvælt og umbygt fleiri av teimum 20 prestagørðunum, sum Stiftsstjórnin umsitur vegna Føroya Kirkjugrunn. Tann fyribils seinasti í røðini er prestagarðurin á Kirkjuteigi í Kvívík.

ÁRSFRÁGREIÐING: Í nøgdsemiskanning frá tíðliga í ár framgongur greitt, at borgarnir sum heild eru nøgdir við Landsverk og ynskja at hava ein fakligan og politiskt óheftan almennan stovn, ið stýrir verkætlanum og umsitur og rekur landsvegakervið og aðrar uppgávur undir landinum.

STROYMING: Í sambandi við stóru móttøkuna á Glasi hósdagin 9. august, har ikki færri enn 3.500 fólk komu á gátt at síggja stásiliga bygningin, stroymaði Kringvarp Føroya haldið við bæði tónleiki, sangi og røðum.

LISTPRÝÐING: Listin á Glasi er øll føroysk, og listaverkini eru serliga at síggja í innanhýsis trappurúmunum. Av teimum 40 uppskotunum, sum komu inn, valdi listprýðisnevndin sjey føroysk listafólk til at standa fyri hesum. Tey eru Brandur Patursson, Sigrun Gunnarsdóttir, Jóhan Martin Christiansen, Anker Mortensen, Rannvá Kunoy, Ragnhild Hjalmarsdóttir Højgaard og Hanni Bjartalíð.

MYNDAFRÁSØGN: Í gjár upprann so dagurin, har fyribils punktum varð sett fyri byggingini av Føroya størstu bygningsverkætlan, Glasi, tá Landsverk avhendaði Mentamálaráðnum bygningin. Hetta varð gjørt við eini almennari móttøku, har umleið 3.500 komu á gátt at síggja stásiliga bygningin, ið verður karmurin um miðskúlaútbúgvingarnar í Havn komandi mongu árini.

HÁTÍÐARHALD: Føroya størsta bygningsverkætlan nakrantíð er nú komin hartil, at dyrnar verða latnar upp fyri almenninginum at síggja hendan nýggja og snotuliga skúladepilin í høvuðsstaðnum. Hósdagin 9. august verður almenn móttøka á Glasi við undirhaldi og røðum, har møguleiki eisini verður at síggja nýggja miðnámsskúlan.

TUNNILSTRYGD: Sum ein liður í arbeiðinum at gera ferðsluna tryggari í tunlum, hevur Landsverk seinastu árini arbeitt saman við Føroya Tele um at fáa fartelefonsamband í allar tunlar. Hetta er fyrst og fremst tí, at fólk skulu hava møguleika fyri at geva boð frá sær á 112, um tørvur er á tí.