FERÐSLUTRYGD: Landsverk fyrireikar í løtuni at spreingja ein stóran stein burtur í brattlendinum oman fyri vegin ígjøgnum Dalslíð. Orsøkin er vandin fyri, at steinurin loysnar og ríður oman á vegin. Spreingiarbeiðið fer fram mikudagin 18. oktober, og neyðugt verður tí at steingja vegin frá klokkan 09.30, og so leingi arbeiðið varar. Væntandi til út á seinnapartin.

FERÐSLUTRYGD: Sum nakað nýtt í Føroyum hevur Landsverk í dag lagt reytt termoplast á rundkoyringina í Sandavági.

VETRARHALD: Tað er vorðið kaldari, og fyrsti hálkudagur er neyvan langt burturi. Sambært hagtølum hjá Landsverki var fyrsti hálkudagur í fjør 30. september. Eins og árini frammanundan hevur vetrarliðið hjá Landsverki fyrireikað seg til komandi vetur og er til reiðar at fara út á landsvegirnar at salta og grava.

TILTAK: Í sambandi við altjóða arkitekturdagin lat Landsverk upp dyrnar fyri almenninginum á Glasi sunnudagin. Umleið túsund fólk nýttu høvið at vitja stásiliga bygningin við Marknagil, har 1.300 næmingar og 200 lærarar og onnur starvsfólk frá komandi skúlaári fara at hava sína dagligu gongd.

ÚRSLIT: Lisitatión hevur nú verið á Landsverki í sambandi við eftirlit og elektroniskt viðlíkahald í tunlum fyri tíðarskeiðið 1. oktober 2017 til 30. september 2020.

ARKITEKTURUR: Altjóða arkitekturdagurin stendur fyri durum, og komandi vikuskifti verður skipað fyri ymiskum áhugaverdum tiltøkum runt um í høvuðsstaðnum. Landsverk letur í hesum sambandi dyrnar upp á Glasi, og bjóðar øllum áhugaðum innar í nógv umrødda bygningin og komandi miðnámsskúlan við Marknagil.

TILBÚGVING: Sum liður í tilbúgvingini hjá Landsverki varð skipað fyri eini venjing í Leirvíkartunlinum seint seinnapartin í dag.

FERÐSLUTRYGD: Í næstum fer SEV undir at leggja kaðlar gjøgnum tunlarnar Norður um Fjall. Neyðugt verður tí at stongja tunlarnar um náttina, meðan arbeitt verður. Í hesum sambandi verður skipað fyri kunnandi fundi um innihaldið í verkætlanini, og hvussu hetta arbeiðið fer at ávirka ferðsluviðurskiftini í tunlunum.

ASFALTERING: Vegurin frá tunnilsmunnanum í Dølum til Viðareiðis verður nú asfalteraður av nýggjum. Byrjað verður í komandi viku.

BYGGING: Sunnudagin kom ein bólkur av donskum fólkatingsumboðum á vitjan til Føroya á eina sonevnda kunningarferð, har tey hava høvi at seta seg inn í føroysk samfelagsviðurskifti. Seinnapartin í dag vitjaðu tey á Glasi við Marknagil. Tað vóru ikki hissini lovorð, sum tey høvdu um komandi miðnámsskúlan í høvuðsstaðnum.