STARV: Landsverk hevur sett 48 ára gamla Heðin Poulsen í starv sum leiðara á Framleiðsludeildini hjá stovninum.

FARLEIÐ: Í kjalarvørrinum av almennu umrøðuni um møguligt fast samband til Suðuroyar ynskir Landsverk at koma við sínum íkasti til, hvørjar avbjóðingar vit standa yvirfyri, um farast skal undir eina so stóra verkætlan. Sæð í ljósinum av stóru avbjóðingini í sambandi við trygdina, mælir Landsverk til eina loysn, har tunnilin fer upp í Skúvoy og haðani víðari til Suðuroyar.

VERKÆTLAN: Fyrrapartin í dag vóru løgtingspolitikarir, embætisfólk og onnur á vitjan á stóra byggiplássinum við Marknagil, har nýggi og stásiligi miðnámsskúlin, Glasir, verður bygdur. Ein bygningur, sum heimsgitni arkitekturin, Bjarke Ingels, skýrir at vera mest stórsligni og vakrast liggjandi bygningur, sum hann higartil hevur sniðgivið.

Í døgunum 24-26. apríl og 27-28. apríl 2017 skipar Landsverk aftur fyri tveimum 2-daga skeiðum undir heitinum "Vegurin sum arbeiðspláss". Skeiðið verður hildið á Hotel Hafnia í Havn.

KUNNINGARDAGUR: Góða uppmøtingin í Norðurlandahúsinum fríggjadagin prógvar, at stórur áhugi er fyri at seta seg inn í nýggju reglurnar fyri bygging í Føroyum. Í sambandi við gildiskomuna av Bygningkunngerðini 2017, skipaði Landsverk fyri kunningardegi fyri bæði byggivinnu, avvarðandi myndugleikum og øðrum pørtum, sum ynskja at seta seg inn í nýggju byggireglurnar.

BYGNINGSKUNNGERÐIN: Ivast tú í, hvussu nýggja Bygningskunngerðin, BK17, skal brúkast, og hvar tú kanst leita tær meira vitan, um tørvur er á tí? Kom við til BK17 kunningardag nú fríggjadagin 17. mars, og fá svar upp á allar hugsandi spurningar í sambandi við nýggju byggikrøvini.

VERKÆTLAN: Seinnapartin í dag vóru nøvnini á listafólkunum, sum skulu listprýða nýggja H-bygningin á Landssjúkrahúsinum, almannkunngjørd. Samanlagt 40 uppskot vóru at velja ímillum úr bæði Føroyum og útlandinum. Av hesum hevur listabólkurin, ið er knýttur at verkætlanini, valt trý listafólk til at menna og fremja síni listarligu íkast til H-bygningin.

BYGGING: Nú størstu forðingarnar og óhappini vónandi eru farin afturum, fyriliggur ein endalig tíðarætlan fyri byggingina av Skúladeplinum við Marknagil. Sambært tíðarætlanini verður skúlin handaður ánaranum móti sumri 2018.

Við støði í stóra byggivirkseminum í Føroyum í dag, tók Byggiharrasamtak Føroya, BSF, stig til ein temadag í november, har ljós varð sett á avbjóðingarnar innan bygging. Hetta við tí fyri eygað at betra um góðsku, halda kostnaðinum niðri, minka um byggimistøk og yvirhalda ætlaðar byggitíðir, sigur BSF í tíðindaskrivi.