FRAMLEIÐSLA: Landsverk hevur gjørt av at fremja nakrar broytingar, sum hava til endamáls at styrkja um framleiðsluna av asfalti í Føroyum. Broytingarnar verða gjørdar í ásannan av, at pláss er ikki fyri meira enn einum asfaltframleiðara í Føroyum. Eftirspurningurin eftir asfalti er støðugt minkaður seinnu árini, og løtan er nú komin, har neyðugt er at gera nakað við støðuna.

VIDEO: Fríggjadagin 2. september var hátíðarhald í sambandi við, at Viðareiðistunniln varð latin upp. Fleiri hundrað fólk nýttu høvið at vera við til at hátíðarhalda, at viðingar nú ekkaleysir kunnu koyra til og frá bygdini, eins og onnur, ið nýta farleiðina.

TRYGD: Norðurlendsk umboð fyri trygd og vernd av havnum hittust herfyri í Føroyum. Tað er Landsverk, sum hevur myndugleikauppgávuna í sambandi við at verja føroyskar havnir ímóti yvirgangi, og sum tí eisini var vertur fyri vitjanini her. Norðurlendsku limirnir í trygdarsamstarvinum hittast vanliga eina ferð um árið at umrøða felags avbjóðingar í sambandi við trygd í havnum.

HÁTÍÐARHALD: Áhugin fyri nýggju farleiðini til Viðareiðis var stórur, tá skipað varð fyri hátíðarhaldi fríggjadagin í sambandi við, at hesin 19. ferðslutunnilin í landinum varð tikin alment í nýtslu.

FARLEIÐ: Stív tvey ár eftir at spakin varð settur í, letur Viðareiðistunnilin upp, og koyrandi verður millum Hvannasund og Viðareiði eftir nýggjari farleið. Hetta verður hátíðarhildið í morgin fríggjadagin, tá farleiðin samstundis verður tikin alment í nýtslu.

FERÐSLUTRYGD: Til tess at varpa ljós á nøkur serlig viðurskifti í føroysku ferðsluni gjørdi Landsverk fyri fýra árum síðani ein film um ferðslutrygd og atburð í ferðsluni í Føroyum. Filmurin, sum nú er dagførdur, vendir sær beinleiðis til útlendsk ferðafólk. Somuleiðis er nýggjur faldari gjørdur við sama endamáli.

Tann 8. juli 1916 varð Mikkjal Helmsdal, landsverkfrøðingur, borin í heim, og hann hevði fylt 100 ár fríggjadagin, um hann enn var á lívi. Helmsdal er sostatt javngamal við fyrsta landsvegin, sum eisini fyllir 100 ár í ár.