FRAMLEIÐSLA: Til tess í størri mun at taka hædd fyri umhvørvinum, hevur Landsverk gjørt royndir við endurnýtslu av asfalti. Hetta hevur hepnast so mikið væl, at longu í ár verður farið undir at endurnýta avfresað asfalt í framleiðsluni. Somuleiðis fer stovnurin í størri mun at nýta sokallað sproytiasfalt til minni ferðslutungar vegateinar, ið er ein munandi bíligari framleiðsluháttur.

KAPPING: Vegna ov lítla undirtøku er hugskotskappingin, sum Landsverk ætlaði at skipa fyri annað árið á rað, avlýst.

FERÐSLA: Fyrr í vikuni gjørdi Kringvarp Føroya tvey tíðindainnsløg úr Kollafirði, har innkoyringin við Sjógv varð viðgjørd, og at hetta ikki skal vera nóg ferðslutrygt. Somuleiðis at atgongdin til Stórubrúgv nú er burtur. Málið krevur eina nærri frágreiðing.

VERKÆTLAN: Arbeiðið við nýggja skúladeplinum við Marknagil gongur væl. Eini 40 mans eru á plássinum, og tað er í høvuðsheitum stoypiarbeiði av fundamentum og betongveggjum, sum er í gongd í løtuni. Somuleiðis er fitt av jørðarbeiði eftir at gera, sum verður gjørt, so hvørt farið verður víðari til tey næstu byggistigini.

TILBÚGVING: Seinnu árini hevur Landsverk regluliga skipað fyri venjingum í tunlum. Millum annað hava venjingar verið í Árnafjarðartunlinum, Leynatunlinum, Kollfjarðartunlinum og Norðskálatunlinum í sambandi við at gjørdar eru tilbúgvingarætlanir. Nú frá klokkan 18 í kvøld hóskvøldið fór venjing í gongd í Hvalbiartunlinum.

FARLEIÐ: Alingin á Kollafirði og Tangafirði verður víðkað við einum aliøki út fyri Nesi. Hetta merkir, at siglingarleiðin inn á Skálafjørðin nú verður broytt.