AFTURSVAR: Enn eina ferð borðreiðir Vinnuhúsið við mótsigandi útsagnum um, at vinnan ynskir at liva og virka í kapping. Samstundis mælir umboð vinnunnar til at privatisera asfalttænastuna hjá Landsverki og harvið burturbeina alla kapping.

TUNNILSGERÐ: Lagið var gott á Viðoynni mánadagin, tá spaki varð settur í fyri nýggju og nógv umrøddu farleiðini til Viðareiðis.

SÁTTMÁLI: Tann 10. juni var lisitatión á Landsverki um eftirlit og elektriskt viðlíkahald av Norðskálatunlinum. Leynatunlinum, Hovstunlinum, Leirvíkartunlinum og Kollfjarðatunlinum.

AFTURSVAR: Í eini grein undir yvirskriftini “Er tað í lagi, at almennir stovnar bjóða upp á síni egnu útboð?” roynir Vinnuhúsið enn eina ferð at sáa illgitingar um virksemið hjá Landsverki. Hesaferð í sambandi við asfaltering, sum Landsverk gjøgnum tey fyrstu mongu árini við asfaltframleiðslu var einsamalt um at menna og standa fyri, áðrenn tvær privatar fyritøkur mong ár seinni bjóðaðu seg fram til slíkar uppgávur.

ÓHAPP: Umleið klokkan 14 í dag hendi ein arbeiðsskaði í grótbrotinum í Hundsarabotni, tá ein maður fekk grót á seg. Maðurin, ið er síðst í tjúgunum, er uttan fyri lívsvanda, men hevur fingið skaða í beinini.

BYGGING: Klokkan 14 í dag var lisitatión á Landsverki í sambandi við um- og útbygging av Miðnámsskúlanum á Kambsdali. 15 arbeiðstakarar hava bjóðað.