AFTURSVAR: Eftir at borgarstjórin í Sørvágs kommunu í útvarpinum mikudagin skjýtur Landsverki í skógvarnar at hava gjørt eina kostnaðarmeting av umvælingini av Ellisheiminum á Sýnini í Miðvági, sum er heilt við síðuna av, er neyðugt at koma við eini rættleiðing, tí hetta er ikki rætt.

ARKITEKTADAGAR: Arkitektafelag Føroya skipar í hesum døgum fyri arkitektadøgum. Í tí sambandi hevur felagið heitt á Landsverk um at geva sítt íkast til kjak um arkitektur. Arktitekturur snýr seg ikki bert um bygningar, men so sanniliga eisini um planlegging av infrakervinum á landi. Ein partur av hesum eru sonevndu Sóljuleiðirnar, ið eru serliga náttúruvakrir vegateinar í Føroym, sum í ávísum førum eru alternativar farleiðir.

ARKITEKTADAGAR: Í sambandi við arkitektadagarnar í hesum døgum, og eftir áheitan frá Arkitektafelagnum um at geva sítt íkast til kjak um arkitektur, hevur Landsverk millum annað valt at seta ljós á samferðsluplanlegging. Meðan landið er sjálvt kropslikamið, er samferðslukervið æðrarnar, sum heldur tí á lívi.

TUNNILSTRYGD: Seinastu tíðina hevur av og á verið frammi, at trupulleikar hava verið við ferðslutøppum í tunlunum Norður um Fjall. Fólk kenna seg ótrygg, og tað tekur lutfalsliga langa tíð at fáa ferðsluna í vanliga legu aftur. Landsverk fer tí at seta upp ferðsluljós, so ferðslan fer at ganga betri, og ferðslutøpparnir fara at minka ella heilt umgangast.

SENDIÚTGERD: Leirvíkstunnilin er tann ferðslutyngsti tunnilin eftir í landinum, har ikki hevur borið til at hoyra útvarpsrásirnar. Hetta er nú søga. Eins og í Kollfjarðartunlinum er Landsverk farið víðari við skipanini, sum nú eisini er sett upp í Leirvíkstunlinum.

FRAMSÝNING: Landsverk ger javnan uppmátingar í sjónum kring landið við sonevndu multibeam-uppmátingarskipanini. Undir sjómannadegnum í Klaksvík fyri kortum hevði Landsverk eina framsýning við úrslitum av uppmátingum, sum eru gjørdar ymsastaðni í Føroyum.

ÁRSFRÁGREIÐING: Eins og undanfarin ár hevur Landsverk eisini hesaferð latið týða ársfrágreiðingina, sum nú er tøk á enskum í talgildari útgávu.

SIGLINGARLEIÐ: Fyrst í vikuni vórðu teir seinastu av teimum stívu 600 rúmmetrunum av gróti í innsiglingini til Skopunar havn fingnir av vegnum. Arbeiðið hevur tikið umleið tríggjar vikur, og hevur gingið væl.

FERÐSLUAVMARKINGAR: Í morgin leygardagin verður skipað fyri árligu kvinnurenningini, og hetta fer sjálvandi at ávirka á ferðsluna í og kring Havnina.

ÚTBJÓÐING: Lisitatión hevur verið á Landsverki í sambandi við veiting og uppseting av innbúgvi til Miðnámsskúlan á Kambali.